কলা গাইস্যত তাজা ফুল
সংগ্রহেঃ লগ্ন কুমার তঞ্চঙ্গ্যা, (রাজস্থলী)।
বোউত্ বোউত্ আককি দিনর কধা। এক রাজজ্যত্ এককআ রাজা আল। রাজা তা ঘর মুচুঙেদি দাঙর গুরি এককান ফুল বাগান গুইজজ্যে। বাগানত্ শত শত কামমআয় কাম গরন। এক দবায় মাদি কবান, আর এক দবায় গাইস্য দুসাত্ গবর পানি জন, গাইস্য পুরান মরা মরা থেললাউন কাবিজন। পুততিদিন আজার পাচুনন্যা ফুল পুদন। রাজা বাগান চাইদে গেলে ভারি দোল এককান সরগ বাইজ্য ধক। একদিনা কামমুআউন চিদা গুইলল্যাক তারা কদক কাম গুরিনে ফুল ফুদাই তুলল্যন কিনতু রাজাভায় তারানে যেই টেঙা দে সি টেঙালোই তারার ন কুলায়। তারা ব্যাককুনে সললা গুরি সি কধা রাজারে কুলাক কৈ যে তারানে বেতন বাড়ায় দেনা দরজার।
কধা শুনিনে রাজাত্তুন দরমর রাগ উইতস্যে। কামমুআউনর কধা রাজা চিদা গুরি ন চায়। তে কুলদে এককুয়া পয়সাঅ বেতন বাড়ায় দেনা ন উব, অয় কাম গর আ ন-উলে মর।
রাজা কধায় কামমুআউনে ভারি মনত দুক পালাক। আককি দুকক্যা মন দিনে কাম ন-গুইলল্যাক। সময় সময় গাইস্য ধুসাত পানি গবর ন দিদাক।
সেনে কি উল? সেনে ফুল গাইতস্যুন সুগাই জাইদনগৈ। গাইছ্যে গাইছ্যে ফুল ফুদানা কুমি গিয়ন। ইনদি রাজকুমারী সাঙা উব। সাঙাত লায়িয়দে বোউত্ বোউত্ ফুল। রাজায় ভারি চিদাত্ পুইতজ্যে। এমন সময় সময় এক রাইদত্ রাজায় এককান সমন দিহিলদে- রাজকুমারী তা সঙগি সমাজজ্যা লৈনে জুন পহরত্ বাগানত্ বেরার। সিলককে রাজকুমারী দেখেততে এক দবা মেলা আইতছন তারার বাগানত্। রাজকুমারী ভাবেততে তারা আইতস্যনদে ফুল চুর গরিবাললাই। রাজকুমারী পুরিউনরে কুল-তুমি রাইত্ আনদারত্ ফুল চুরি গুরিবার আইতস্যদে? ইককিনা জ গৈ। আ ন- উলে বিপদ আহে। পুরিউন কুলাক আমি ফুল চুর নই। আমি ফুল পুরী। পুত্তি রাইদত্ গাইছ্যে গাইছ্যে ফুল ফুদানা আমা কাম। রাজকুমারীর বিচসাস্ ন- উল। তাত্তুন আর রাগ উদিনে কুলদে, মিছা কদা কুউনন্যা চুর! মরে শিয়াবারলাই আইতস্যদে? তারপর সমারে সমারে তা সমাজস্যাউন লোই লাম্বা লাম্বা বাইতদি পুরীউনরে ধাবাই দিল। পুরীউন ভারি মন দুখ পালাক। এ পর ওইতে রাজা বাগানত্ আর কোন দিন ফুল ন ফুদন।
————————————————————–
লুককিমার হে বাছা
লেখকঃ সত্য বিকাশ তঞ্চঙ্গ্যা, (রাজস্থলী)।
ভালুকদিন্ আককৈ করা। এক্ রোআত্ এককোআ বুআ মেলা তা এককোআ পোআ লুই থের। পোআবা নাঙ্ উলরে কবালল্যা। বুই আককৈ ধগ্ আর কামকরইজ্ গুই ন পে। কবালল্যা অ সি লককে এরক্ বর্ ধাঙ ন অয়্। সি ফাগি অভাব ভিরে তা দিনখানি জার্। একদিনা কালামালাগুই এককোআ মেলা এই বুই ঘ-ত্ উতস্যেসি। মেলাপোআবা বুই ঘ-ত্ থেবার সেল। বুই কুলরে আমনত্তুন দ খানাদানা নাই তুই কেনে থেবে আমা ঘ-ত্। বুই ত তায়্ জাগা দিল।
বুই কঅরে, তুই থেরে মর্ কন মানা নাই। তৈ ত কানা তত্তু্ন তগেই খা পুইব। মেলাপোআবায়্ সিয়ানেই খুসি। বুই মেলাবা তারে নাঙ দিলরে লুককিমা। লুককিমা একদিনা কবালল্যারে কয়্ রে- তুই এককান জুম কাব্। মুই বল্ দিন। কবালল্যা জুম্ কাবিল। বিসু পিসে ঝ দিলে বিজ্ধান কুসিল। লুককিমা হে বাছিল। হে- নি জুম্ লেসাত্ এককোআ ব – সিল তলে ধাগি তুল।
একদিনা লুককিমা জুমত্ জেবার্ জগরে ভাতমসা জুককার্। তে লত্ দিবার আগে কবালল্যা জুমত্ লুমম্যেগৈ। জুম দাগদি আরি জারে সুনিলরে কনে একদাগিয়ে বেলে কানরন্। ইনদি উনদি রিনি চারে এককোআ বঅ সিল্ সুগত্ বাছিল। কবালল্যা কী নে কী চেবার জগরে সিললোআ উললোএল। আ দিরি ন উল- লগে লগে সিললোআ তলেত্তুন বেবাক্ হে-নি উই উরি জুম্ জগা ব্যাককান সেততেরা ওই পুলাক।
লুককিমা এই চাইরে এবং কঅরে ছেগ্। কবালল্যা মাইত্ ন পেই কী এককান কাম গুই ফিলল্যে। লুককিমা তেই মারিত্ দিয়ান্ হাত্ থৈ কুলরে- মা পিততিমি, তুই ই হে- নিয়ে জুম্ মারিত জাগা ন দিজ্। জুমত্তুন্ হে নি জুম লেসাত্ পুলাককৈ। ত জুম্ এক্ কুনত্ বাসি রুলাক্।
————————————————————–
সিয়াল পনদিত্
সংগ্রহেঃ মিলন কান্তি তঞ্চঙ্গ্যা, (রাঙামাটি)।
একদিনা সিয়াল্যার সখ উলরে তে রাজ্যত কনে কি খান জানিবার। সিয়ালল্যা একদিনা ভুরি বকসা লোই ব্যা নিকক্যে। জারে জারে এককোয়া সুগ লোই তার দেগা উয়ে। সিয়ালল্যা সুগ বাত্তুন পুসা গয়েরে – ও সুগজ্যা বাই তুই কি খাইতত্যে? সুগবা সিয়ালল্যা করা সুনি নাই পুসা গয়েরে কেবায় সিয়ালল্যা বাই? সুগবা কলরে- “মুই খে খাঙ, ভাসুই খাঙ, আ মানাইয়ুন জুম গুইললে ধান পাইলে ধান খাঙ আ নানা ফলমূল খাঙ”। সিয়ালল্যা সিয়ননে খাইতত্যে কোইনাই আরা দুয়ে।
আ- জারে জারে সিয়ালল্যা এককোয়া উইন লাঅত্ পায়ে। তায় সিয়ালল্যা পুসা গয়েরে – ও উইন বাই তুই কি খাইতত্যে? উইননোয়া কলরে মুই -” খের লারা পারা খাঙগে। আ মানাইয়ুন জুম গুইললে আমিলা পারা গুলা, সমই আ নানা লারা পারা খাঙ”। সিয়ালল্যা অ কৈনান আ এককাততি আরা দিল।
আ একদিনা সিয়ালল্যা জার বিরিত্তি জারে জারে এককোয়া ধাঅর বাঘ লাঅত্ পায়ে। সিয়ালল্যা বাঘক্যা কাই জাইনে পুসার গয়েরে ও বাঘক্যা মামু তুই কি খাইতত্যে? বাঘক্যা ধাঅর এককোয়া হা গুইনান কররে মুই ত দককেয়্যা সিয়াল খাঙগে। সিয়ালল্যা বাঘক্যা করান সুনিনান কুলরে ও মামু তুই কি কুলরে!!! সিয়ালল্যা দয়ে- ও মারে ও মারে কোইনান এক ঝিমিত দুরি দাই গিয়েগোই।
এরপর সিয়ালল্যা আর কাররে পুসার ন গয়ে কনে কি খান। বাঘক্যা দয়ে তে আর বালুকদিন তা গার বিরেত্তুন ন নিরে।
————————————————————–
রাঙাবির মাইততআ
সংগ্রহেঃ নীর চন্দ্র তঞ্চঙ্গ্যা (বিলাইছড়ি)।
ভালুকদিন আককোয় করা। রাঙাবি বাপপোয়া মুই জানা পরে তা মা কনমতে মাইনস্য স্যত দুখকাম গুইনাই খেরাগ। রাঙাবি তা সমাজস্যানিয়ে ইককুলত জেরাক। রাঙাবি সিয়ান দেইনাই তাততুন ইককুলত জেবার মনে কয়। সি করান একদিনা রাঙাবি তা মামারে কুয়ে। জিবা করা সুনিনান রাঙাবি মামা একদিনা রাঙাবিরে ইককুলত ভুততি গোই দিয়ে। ইককুলত ভুততি উইনাই রাঙাবি খুশি মনে সমাজজ্যা সমারে ইককুলত জের। তা মাততজ্যা আ সমাজ্যানিয়ে ব্যাককুনে রাঙাবিরে গম পেরাক ।
একদিনা ইককুল বনদ দিলাক। ইককুল বনদ লককে তা মা লৈই রাঙাবি গেলাক মাইত্, ইছা, শামুক আ কাগেরা তগেবার জগরি।
রাঙাবি পিলল্যাংঙোয়া বুই আহে আ তা মা লুই বার। তা মা লুই জেরক বার স্যাত বানা সিল দমা লুইয়ত উরিদন। রাঙাবি মা বানা সিল উরিদন দিখি নাই বিরক্ত উয়ে । তা জি বারে কঅত্তে আর লুই ন বাবঙ, আলসি গরের বানা সিল উরিদন দে লুইয়ত। রাঙাবি তা মা-রে কঅরে মা আ ইক্কিনি বাই ছা না। ইক্কু মাইত উদি পারন।
রাঙাবি করা দোইনান তা মা আ লুই বা সুরু গুয়ে। লুই বাইদে বাইদে আদিকক্যা রাঙাবি দেখেরে তা মা লুইত লাবা লাবা তিননোয়া সিল উরি আহন। তা মারে কৈ কায় রাঙাবি তিননোয়া সিল পিলল্যাংঙোয়াত বুয়েনান্ ঘ-ত্ আনিল। খালা কুবার জগরে তা বাবে বুনিদি জিয়া সামমোয়াবা ভিরে থুয়েগি।
বিনন্যা প ওইনাই খালা কুবার জুগরী সিলানী লুবার জেইনাই রাঙাবি দেগেরে সিল তিননোয়া সিলদমাত্তুন সনাদমা ওই আগন। সোততুন হাততি তা দি মায় জিয়ে মাইনস সিরি দুখকাম ন গরন সমারে সুগে দিন কারে গেলাক। রাঙাবিঅ তা সমাজজ্যা সমারে দিনমান ইককুলত জের।
————————————————————–
বিলিবা লোই বাঘকয়্যা
সংগ্রহে- কর্মধন তঞ্চঙ্গ্যা, (কাপ্তাই)।
১.
বিলিবা লোই বাঘকয়্যা খবু বিসি বন আলাক। তারাই দ্বিজনে বেরাইদাক ই জারত্তুন ওই জারত্। দ্বিজনে সঅজে আরাআারি ন উইদাক। একজন আর একজনরে ন দিইলে তারাত্তুন মন গম ন লাই-দ। হাসি খুসি ধউল গুরিনে তারাত্তুন দিনুন কাদি যার্। সেনেক্ক্যা গুরি দিন যাইদে যাইদে বাঘকয়্যা দেখেদে বিলিবা কি ধউল কাসি পাদল গুরি গাছত্ উদে আর লামে। বাঘকয়্যা চাইদে তেঅ বিলিবা ঢক্কেয়্যা গুরি গাছত্ উদিবার আ নামিবার। তে একদিনা তা মন কদা বিলিবারে ভাঙি কু-ল। বিলিবা কু-ল বন তরে মুই ন চিআলে কারে চিয়াই দুঙ। ঠিক আহে বন মুই তরে চিয়াইন।
২.
একদিনা তারাই দ্বিজনে ধাঅর এক্কয়্যা গাছত্ তলে গিয়ন। বিলিবা বাঘকয়্যারে কুলদে বন মুই যেনেক্ক্যা গুরি গাছবুরে উদংগর তুই অ সেনেক্ক্যাগুরি উদিত্। কদা মত দ্বিজনে গাছবুরে উদিদন, বিলিবা আগে আগে আর বাঘকয়্যা তা পিছে পিছে। গাছত্ উদি পুরায়নে দ্বিজনে দ্বিবা গাছ্ ডেল্লাত্ বোইনে মন সুখে বুয়ার খাইদন। বাঘকয়্যা বিলিবারে কুলদে বন সাদে- তুই কদক আরামে গাছ্বুরে উদিনে সুখ খাইত্। গাছ্ উবরেত্তুন ইন্দি উন্দি তলে রিনি চাইত্, কদক সুখ সা-দে।
৩.
গাছবুরে অনেক্কন্ সুখ খাইনে বিলিবা বাঘকয়্যারে ন কইনে চুর গুরিনে গাছত্তুন্ নাম্মেছি। বিলিবা কমত্তে গাছ্বুরেত্তুন তলে নামি আ-ল বাঘকয়্যা ইক্কিনি-অ খেয়াল গুরি ন পারে। আর নঅ দেখে বিলিবা কেনে গাছবুরেত্তুুন তলে নাম্মেছি। তে বিলিবারে দেখেদে গাছ্ তলে বেড়ার। গাইছ্ বুরেত্তুন বাঘকয়্যা বিলিবারে কুল্- বন তুই কেনে গাছত্তুন নামমচ্ছিদে? বিলিবা কু-ল তুই ন দেখত্তেনে মুই কেনে গাছ্ত্তুন নাম্মংছি। বাঘকয়্যা কু-ল না। বিলিবা কুল মুই গাছ্ বুরেত্তুন ঝাম দিয়ং গেয়াই। তুই অ ঝাম দিনে নামছি। বিলিবা কদা শুনি বাঘকয়্যা কু-ল ঠিক আহে বন। বাঘকয়্যা বিলিবা কদা শুনি গাছ্ বুরেত্তুন ঝাম দিল। ঝাম দিনে বাঘকয়্যা নাক কুবি পু-ল সমারে মুআন পিরা পা-ল। তে উদি ইন্দি উন্দি চাইদে বিলিবা তা কায়া নাই। বাঘকয়্যা বুঝিল বিলিবা তাল্লোই চালাগী গুজ্জে। তারে ঝাম মারা দিয়ে বানা আঘাত দিবাল্লাই। এরপরে বাঘকয়্যা কুলদে “মরার বিলিবা তরে কায়া পালে ত গুয়া-ন ন পেলাইন মুই খাইনদে। তুই মেরে বানা বানা আঘাত দিয়ত্”। জনশ্রুতিঃ জনশ্রুতি আছে এরপর থেকে নাকি বিড়াল মল ত্যাগ করার পর বাঘের ভয়ে মলটি মাটি চাপা দিয়ে লুকিয়ে রাখার চেষ্টা করে।